《直播新書發佈會》
再一次多謝响尋日下晝專程黎我《技勝一籌》新書發佈會既過百名粉絲！「虛脫年年有，今年特別多」可以話係我响黎左富昌做左真.股評人半年，最深刻體會到既一種身同心既感受。完左個會之後，我訓到依家（成日咁滯）先至真正抖夠同動筆寫返幾句說話俾大家。
尋日既發佈會對我黎講有幾個重要既意義：佢唔單止係標誌我既處男作面世，更令我興奮同滾動既係，我既粉絲竟然响我唔知情既情況下，自發性、私底下聯絡好天窗，準備好晒燒豬同香檳黎賀我既發佈會！以下係鐵粉T先生同D先生為我辛苦左一輪之後，响活動前一晚whatsapp俾我既對話：
「給你update一下明天的安排：我訂了一隻中豬，燒臘公司明天下午1:30送到天窗，預備了80份餐具及一塊紅布，天窗的同事會配合提供檯子等傢俬擺放。你切了一刀及祝酒後，會有專人在另外一個地方切開燒豬，不會阻礙主場的簽書會...這個安排已經跟天窗協調好晒，不用擔心」
你地睇完之後滾唔滾動呀？我就好滾動喇！幾乎想喊出黎！我响我新書既前言入面交代過，我一直刻苦耕耘左咁多年，只係希望好似我既爸爸一樣，燃燒自己，貢獻別人。帶人贏錢係我所願既，最終卻贏埋好多好多深厚既情誼，簡直係意想不到。
半年前，我自掏腰包買隻豬响talk騷自high；半年後，我有粉絲幫我張羅晒所有野，買埋隻豬俾我助興。係你地既擁戴證明左我既成就。我會珍而重之呢一切一切，同時繼續努力，做好自己，成為大家心目中最喜愛既偶像同實力派股評人架喇！
Search